Wim Suurbier, ish-mbrojtësi legjendar i Holandës dhe Ajaxit të Amsterdamit, është ndarë nga jeta në moshën 75-vjeçare.
Suurbier, i cili fitoi tri herë Championsin me “Harkëtarët” në fillim të viteve ’70, ka qenë i shtruar në spital që në muajin prill pas një hemorragjie cerebrale.
“Një ish-lojtar i shkëlqyeshëm i Ajaxit nuk është më. Mendimet tona shkojnë tek familja dhe miqtë e tij. 509 ndeshje për Ajaxin (skuadra e parë) … Pushofsh në paqe, luftëtar trim!”, shkruan klubi i Amsterdamit në Twitter.
Jordi Cruyff, djali i legjendës së ndjerë të futbollit holandez, Johan Cruyff, shkroi: “Një lojtar i shkëlqyeshëm dhe një mik besnik ndaj babait dhe familjes time. Shpresoj që ju të bashkoheni në parajsë”.
