Shqipëria nuk do t’i paguajë vetëm 109 milionë euro biznesmenit italian Francesco Becchetti por dhe një tjetër shumë të majme.
Ish-ministri i Drejtësisë në mandatin e parë të Ramës, Ylli Manjanim me anë të një postimi në Facebook, paralajmëron se shqiptarët nga taksat e tyre nuk do i paguajnë vetëm 109 milionë euro Becchettit por dhe shumë miliona të tjera shtesë.
Sipas Manjanit 109 milionë euro i detyrohemi Becchettit vetëm për çmendurinë e Ramës për mbylljen e televizionit, ndërkohë që ka dhe një çështje tjetër që është nën gjykim.
Manjani thekson që është edhe Hidrocentrali i Kalivaçit një tjetër ‘temë’ e nxehtë në gjykatë, për të cilën nëse Rama humbet sërish, shqiptarët sërish duhet të derdhin miliona euro në xhepat e biznesmenit italian.
Ja postimi i Manjanit:
Makthi financiar “Bechetti” nuk ka mbaruar, për fat të keq…!😔
Bechetti ishte një dy procese Arbitrazhi me shtetin Shqiptar. Njëri për kontratën e koncensionit të Hidrocentralit të Kalivaçit dhe, tjetri për Televizionin Agon Channel.
Vendimi për të dënuar Shqipërinë me 109 milionë është për mbylljen e televizionit.
Ende nuk ka përfunduar çështja e Hidrocentralit…! Me ç’duket nuk i kemi punët mirë as me atë çështje. Një tjetër shumë të majme mund të detyrohemi të paguajmë edhe prej atij procesi…
Këto çështje janë alarm i madh jo vetëm financiar, por edhe juridik e ekonomik në vend.
Shtimi i kontratave të koncensionit dhe PPP-ve tregon se administrimi i pasurisë publike gjendet në rrisk shumë të lartë.
Cilësia e dobët e negocimit dhe e përmbajtjes së kontratave të lidhura e ka vënë shtetin në kushte shumë të pafavorshme.
Asnjëherë nuk u dëgjua ky argument!😔😔
