Ekzekutohet me armë zjarri reperi i njohur amerikan, Lil Marlo. Reperi 30-vjeçar u vra teksa po udhëtonte me makinë në Atlanta.
Lil Marlo u qëllua në një atenttat mbrëmjen e së shtunës.
Policia mori një telefonatë për aksident rrugor, por kur ka shkuar në vendngjarje ka gjetur 30-vjeçarin të qëlluar për vdekje me armë zjarri.
“Nga të dhënat e para, dyshohet se viktima ka qenë shënjestra e këtij sulmi, ndërsa po punohet për zbardhjen e plotë të vrasjes”, ka bërë të ditur policia.
Lil Marlo la pas 2 fëmijë të mitur, një djalë dhe një vajzë.
Fansat kanë mbetur të shokuar nga ky lajm, ku kanë shprehur fjalë pikëlluese për humbjen e parakohshme të reperit.
