Klubi i Cervena Zvezdas sapo ka përfunduar një seri testimesh për coronavirus dhe rezultatet nuk kanë qenë aspak të mira, pasi gjashtë lojtarë të skuadrës kanë rezultuar pozitiv.
“Crvena zvezda dëshiron të informojë publikun se pas testimit të lojtarëve për coronavirus, para fillimit të përgatitjeve të verës, gjashtë lojtarë rezultuan pozitiv- Srdjan Spiridonovic, Veljko Nikoliç, Strahinja Erakovic, Marko Gobeljic, Branko Jovicic dhe Dusan Jovancic. Këta futbollistë nuk do të marrin pjesë në fazën e parë përgatitore dhe do të jenë në izolim në dy javët e ardhshme,” informon klubi i kryeqytetit Serb.
Cervena Zvezda arriti të fitojë titullin kampion në Serbi rreth një muaj më parë.
