Pak më herët u njoftua se Transporti Urban do të mbyllej ditën e henë, e kjo për shkak të situatës së krijuar, në lidhje me mosrespektimin e masave dhe rritjen e rasteve me koronavirus në vend.
Mirëpo së fundmi është zbardhur se transporti publik do të vazhdojë edhe këtë javë. Fax raporton se në varësi të situatës do të vendoset më pas për ditët në vijim.
Kujtojmë se operatorët e transportit publik, sërish kërkojnë nga Bashkia apo edhe nga qeveria heqjen e akcizës së naftës dhe uljen e çmimit të karburantit. Ata deklarojnë se kjo situatë po i çon drejt falimentimit.
