Juventusi është shfaqur mjaft aktive në merkato dhe duket se filozofia e klubit është kthyer drejt talenteve të reja.
“Zonja e Vjetër”, synon të afrojnë në skuadër lojtar të rinj të talentuar, për të siguruar të ardhmen dhe i fundit që vihet në radarin e klubit është Nicolò Zaniolo, i cili konsiderohet i rëndësishëm për verdhekuqtë, që vitin e kaluar refuzuan një ofertë të konsiderueshme nga Tottenhami.
Këtë sezon situata financiare është rënduar më shumë për shkak të pandemisë dhe kjo mund të detyrojë presidentin Pallotta të sakrifikojë lojtarin. Juventusi pavarësisht nga shuma që do t”i kërkojnë kryeqytetasit duket i vendosur ta çojë deri në fund tratativën.
E interesuar për mesfushorin e Romës është edhe skuadra e Interit, madje zikaltërit konsideroheshin si favoritë për firmën e tij, por futja në lojë e Juventusit duket se do të sjellë një duel jashtë fushave midis dy gjigandëve të Serie A.
