Autopsitë e njerëzve që vdiqën nga koronavirusi po ndihmojnë mjekët të kuptojnë se si sëmundja prek trupin dhe një nga zbulimet më të mëdha ka të bëjë me mpiksjen e gjakut.
Dr. Amy Rapkiewicz, kryetarja e departamentit të Patologjisë në NYU Langone Medical Center, thotë se, dihet që disa pacientë kanë koagulim të gjakut, por shkalla rritet gjithnjë edhe më shumë, aq sa për të është dramatike. Në fazat e hershme të pandemisë, u vu re mpiksja te venat e mëdha.
Por Dr.Rapkiewicz thotë se koagulimi nuk ishte vetëm në venat e mëdha, por edhe tek ato të vogla.
“Dhe kjo ishte dramatike, sepse ne e prisnim në vetëm në mushkëri, por e gjetëm në pothuajse çdo organ, pas autopsisë.”, tha ajo, informon dritare.net. Autopsitë treguan gjithashtu diçka të pazakontë për megakaryocytes, ose qelizat e mëdha të palcës së kockave. Zakonisht ato nuk qarkullojnë jashtë kockave dhe mushkërive, tha Rapkiewicz.
“Ne i gjetëm ato në zemër, veshka, mëlçi dhe në organe të tjera. Veçanërisht në zemër, megakaryocytes prodhojnë trombocitet që janë të përfshira në koagulimin e gjakut.”, u shpreh doktoresha.
Sipas saj, studiuesit shpresojnë të zbulojnë se si këto qeliza ndikojnë në mpiksjen e gjakut te venat e vogla. Gjatë fazave të hershme të pandemisë, mjekët menduan se virusi do të provokonte inflamacion në zemër me miokard. Por autopsitë kanë gjetur sulme të ulëta të miokarditit.
