Mbrojtësi i Partizanit, Deian Boldor, ka reaguar pas lajmeve të qarkulluara nën emrin e tij.
Ditën e sotme, në shtyp u raportua se Erald Çinari kishte pasur një përplasje me shokun e skuadrës. Shkodrani thuhet se e kishte akuzuar për papërgjegjshmëri dhe e bën në njëfarë mënyre fajtor për përhapjen e Koronavirusit në skuadër.
Jo vetëm kaq, por flitet edhe për goditje të mbrojtësit. Ky lajm, apo tjetri që motra e tij Denis Boldor mund të ketë qenë ajo që e ka infektuar mbrojtësin, nuk pëlqehet nga futbollisti i të kuqve, që në rrjetet sociale ka vendosur të reagojë.
“Ndaloni së shkruari lajme të rreme. Jam në rregull, ndodhem në shtëpi dhe kam marrë të gjitha masat kundër COVID-19”, shkruan Boldor në llogarinë e tij në “Instagram”.
