Phillip Blanks është një ish-lojtar kolegji në futbollin amerikan dhe më pas ka shërbyer si marins i Shteteve të Bashkuara.
28-vjeçari i cili në sportin e tij kishte rolin e një kapësi topi anësor të hedhur nga “Quarterback-u” i skuadrës, ka kryer pritjen më të bukur të jetës së tij, ndoshta duke i shpëtuar jetën një fëmije të vogël.
Një ndërtesë në SHBA u përfshirë nga flakët dhe në katin e tretë gjendej nëna me djalin e saj. Kjo e fundit, në një situatë të pashpresë, ka hedhur nga lart djaloshin e vogël dhe Blanks ia ka dalë ta presë atë, siç dallohet në video.
Një gjest që i ka emocionuar të gjithë, por Blanks tregohet modest në prononcimin e dhënë për ABC7 News, aty ku flet për nënën, e cila pësoi një fund tragjik duke u djegur e gjallë.
“Heroina e vërtetë e kësaj historie është nëna e djalit, sepse sakrifikoi jetën e saj për të shpëtuar të birin“, theksoi mes emocioneve Phillip Blanks.
