Inter nuk ka mundur të shkojë më shumë se një barazim 2-2 në transfertë kundër Veronës.
Zikaltrit, e panë veten në disavantazh pas golit të Lazovic në minutën e 2-të. Gjithsesi, milanezët kanë arritur të përmbysin gjithçka në pjesën e dytë me golin e Candreva-s në minutën e 49-të dhe autogolin e Dimarco-s në të 55-ën.
Kur mendohej se skuadra e Conte-s do të merrte tri pikët, Veloso ka gjetur golin e barazimit për vendasit falë një asisti të bukur të yllit kosovar Rrahmani.
Me këtë barazim, Interi, zbret në vendin e katërt me 65 pikë të grumbulluara, 1 më pak se Atalanta e vendit të tretë.
