E ardhmja e trajnerit shqiptar, Ernest Gjoka, te skuadra e Shkëndijës kohët e fundit ishte vënë në dyshim, por tani është konfirmuar se ai do të vazhdojë aventurën e tij te skuadra maqedonase edhe sezonin e ardhshëm.
Ish-trajneri i Kukësit dhe Vllaznisë ka rinovuar edhe për një tjetër sezon kontratën e tij me Shkëndijën dhe lajmi është zyrtarizuar nga bashkëshortja e trajnerit Edit Lako me një postim në rrjetet sociale ku e uron partnerin e saj për rinovimin.
Bie poshtë kështu pista Ilir Daja, me trajnerin aktual të Skënderbeut që ishte lakuar në media për të marrë drejtimin e Shkëndijës së Tetovës.
