Dosja për ngjarjen e rëndë të ndodhur në Kombinat ka kaluar në Prokurori dhe Albert Demirneli është prokurori i cili do të kryesojë hetimet për këtë ngjarje referuar në dëshimtë e Blertës dhe në provat materiale të sekuestruara në banesë.
Pjesë e dosjes janë edhe shënimet që nëna me dy vajzat kishin shkruar në një ditar të vitit 2018, si dhe nënvizimet e pjesëve të ndryshme të biblave dhe librave fetarë që mbanin në banesë.
Prokuroria dyshon se shënimet që kanë bërë në libra dhe shkrimet e shkruara prej tyre kanë ndikuar në realizimin e aktit ekstrem të vetëflijimit.
Hetimet referohen kryesisht në to për të kuptuar qartësisht se kujt sekti i përkisnin gratë.
Krahas shënimeve të tyre hetuesit kanë gjetur edhe nënvizime Dhiatën e Re nga motrat dhe nëna:
Shëroni të sëmurët, pastroni lebrozët, ngjallni të vdekurit, dëboni demonët. Falas morët, falas jepni.
Por kanë nënvizuar edhe pjesë të cilat duket se i kanë realizuar në banesën e tyre.
Në pjesën e nënvizura shkruhet:
Jini pra të mençur si gjarpërinjtë dhe të pastër si pëllumbat. Por ruhuni nga njerëzit, sepse do t’ju zbarisin përpara sinedrave të tyre dhe do t’ju fshikullojnë në sinagogat e tyre.
Shënimet e bëra dhe nënvizimet hedhin dritë dritë mbi vendimin ekstrem të nënës e dy vajzave për t’u vetëflijuar.
Ditari i mbajtur prej grave është çelës për zbardhjen e hetimit dhe po ashtu do pyeten edhe 18 persona në cilësinë e dëshmitarit që janë të afërt, familjarë dhe banues në Përmet, qyteti nga ato ishin transferuar drejt Tiranës.
