Mike Tyson “kërcënon” rivalët: Jam në formë, kam humbur 30kg në 3 muaj

Legjenda e boksit, Mike Tyson, ka konfirmuar se ndodhet në formë të mirë fizike dhe se ka humbur rreth 30 kilogramë që kur ka nisur stërvitjen, duke shpresuar që të jetë gati ditën që do të ngjitet në ring.

Tyson u shpreh se aktualisht peshon rreth 100 kilogramë. Kjo është pesha e tij optimale, krahasuar me kohën kur dominonte në ring në divizionin e peshës së rëndë, rreth 20-25 vite më parë.

Në një intervistë për “Fight Hype”, boksieri amerikan tha: “Kam zbritur nga 130kg në 100kg dhe ndihem në formë të shkëlqyer. Kjo më motivon më shumë për të ecur përpara në rrugën time të rikthimit në ring”.

Ende nuk dihet se ndaj kujt do të duelojë “Majku i Hekurt”, teksa përflitet për një duel të tretë me rivalin e tij të përjetshëm në ring, Evander Holyfield.

 

LEXO EDHE  Dhimbje koke për Simeonen, “gjiganti” i kampionëve pozitiv me Covid-19