Epidemia nga koronavirusi tashmë ka marrë të tjera dimensione, të cilat shfaqen më agresive, dhe po infekton edhe bluzat e bardha.
Covid-19 është futur deri më tani gati në të gjithë repartet dhe pavijonet e Spitaleve në QSUT, por edhe tek Trauma.
Burime për Abcnews.al kanë njoftuar se janë konfirmuar pozitiv për Covid-19 tre raste nga personeli shëndetësor në Spitalin e Traumës.
Menjëherë pas konfirmimit pozitiv të anëtarëve të stafit, personeli mjekësor i Traumës ka kërkuar bërjen e tamponëve.
Më herët u njoftua se ishte një mjek i infektuar tek Trauma por ABC News ka mësuar se kanë rezultuar pozitiv 3 raste nga ky spital.
Bëhet fjalë për një mjek ortoped, një specializant dhe një infermier, i cili ishte konfirmuar pozitiv pak ditë më herët.
Dyshohet se të tre rastet gjatë kohës së ushtrimit të detyrës në repartet përkatëse kanë patur kontakte të shumta./abcnews.al
