Një fenomen i çuditshëm natyror ka ndodhur në alpet italine ku në disa vende janë vënë re pjesë të akullit rozë. Mediat e huaja kanë raportur se shkencëtarët janë shprehur se ka të ngjarë se fenomeni të jetë shkaktuar nga algat.
Sipas Biaggio di Mauro i Këshillit Kombëtar të Kërkimit të Italisë, bora rozë e vërejtur në pjesë të akullnajës Presena ka shumë të ngjarë të shkaktohet nga e njëjta bimë që gjendet në Grenlandë.
”Algat nuk janë të rrezikshëm, ato janë një fenomen natyror që shfaqet gjatë pranverës dhe verës në gjerësi të mesme, por edhe në pole, ” tha Di Mauro, i cili ka studiuar algat në Glerierin Morterats në Zvicër.
Bima, emri shkencor i së cilës është Ancylonema nordenskioeldi , është gjetur edhe në të ashtuquajturën Zona e Errët e Groenlandës, ku ndodh edhe shkrirja e akullit.
Sipas shkencëtarëve në kushte normale, akulli pasqyron më shumë se 80% të rrezatimit të diellit përsëri në atmosferë, por ndërsa shfaqen algat, ato errësojnë akullin, thithin nxehtësinë dhe ai shkrin më shpejt. Kjo shkakton një cikël të mbrapshtë, pasi shkrirja e akullit bën që të shfaqen më shumë alga, të cilët gjejnë ujin dhe ajrin e nevojshëm për të krijuar hije të kuqe.
