Gjykata Themelore në Pejë e ka dënuar me 400 euro gjobë, të akuzuarin për armëmbajtje pa leje, Asdren Gjikollin, i njohur me emrin artistik Gjiko. Me 400 euro gjobë u dënua edhe i akuzuari tjetër për armëmbajtje pa leje, Valon Alija.
Sipas aktgjykimit të shpallur të martën, nga kryetari i trupit gjykues, gjykatësi Sami Sharraxhiu, shumën prej 400 euro të pandehurit detyrohen ta paguajnë në afat prej 30 ditëve pasi aktgjykimi të marrë formën e prerë, shkruan Bota Sot.
