Ministrja e Shëndetësisë, Ogerta Manastirliu, ka publikuar sot foto nga brenda spitalit Infektiv, atje ku kurohen pacientët e prekur nga koronavirusi.
Manastirliu shkruan se pacientët janë shtuar në spital dhe kanë simptoma të shtuara. Në foton e publikuar nga Manasitrliu shihet pacienti i shtrirë përmbys teksa infermieri i mat oksigjenin.
Ministrja u bën thirrje të gjithë qytetarëve që të ndihmojnë mjekët, të nxitet ndjenja e përgjegjshmërisë për çdo qytetar dhe të respektohen masat sa më shumë, që të mundësohet ndërprerja e zinxhirit të përhapjes së COVID-19.
“📍SPITALI INFEKTIV Infermier Korabi është aktualisht në shërbim, duke u kujdesur për pacientët e shtruar në spital, me simptoma të rënduara, si pasojë e virusit të rrezikshëm COVID19. #Krenare për punën e palodhur e stafit të spitalit #COVID1, që prej ditës së parë të epidemisë!
T’i ndihmojmë, duke nxitur ndjenjën e përgjegjësisë tek çdo qytetar, për respektimin e disa masave të thjeshta, efikase për të frenuar përhapjen e COVID19🙏🏼 ↔️Ruaj distancën nga të tjerët 😷Vendose maskën 🧼Kujdesu për higjienën personale dhe kolektive #BASHKË kundër #COVID19”, shkruan ministrja.
