Rummenigge flet hapur: Thiago dhe Alaba nuk duan të rinovojnë, blerja e Havertz e pamundur

Shefi ekzekutiv i Bayern Munich, Karl Heinz Rummenigge, ka hedhur dritë mbi disa çështje që janë diskutuar në skuadrën bavareze.

Për sa i përket mungesës së rinovimit me lojtarë të rëndësishëm të skuadrës si Thiago Alcantara dhe mbrojtësit David Alaba, Rummennige ka deklaruar se një gjë e tillë nuk ka ndodhur pasi ka qenë në kundërshtim të planeve të vetë lojtarëve.

Rummennige gjithashtu pranoi se Kai Havertz, ylli i Bayer Leverkusen, nuk është i arritshëm për klubin për shkak të vështirësive financiare.

“Thiago Alcantara dëshiron të provojë një aventurë të re dhe ne nuk duam ta humbasim me parametra zero në fund të sezonit të ardhshëm. Jam shumë i qartë në këtë që po them. Nëse dëshiron të largohet, do të na duhet të negociojmë për shitjen e tij.

“Liverpool? Nuk kemi pasur asnjë kontakt me këtë klub. Thiago dhe Alaba janë dy lojtarë të nivelit të lartë. Do të përpiqemi të gjejmë një zgjidhje financiare të pranueshme për ne.”

Havertz? Ndodhemi përpara një sfide të madhe financiare. Edhe nëse do të donim ta blinim sivjet këtë lojtar, nuk do kishim asnjë mundësi“, deklaron Rummennige.

LEXO EDHE  Sherr te Tirana, çfarë ndodhi mes Ngoo dhe Karabecit