Në 24 orët e fundit duket se ka një shtim të rasteve me koronavirus, i cili prej 12 qershorit ka marrë një shtrirje të gjerë në të gjithë vendin.
Pas rasteve të raportuara në Krujë, Përmet, Elbasan, Ersekë, në 24 orët e fundit janë konfirmuar edhe 3 raste të reja në Pogradec.
Ato konsiderohen si vatër e re në këtë qytet. Referuar informacioneve, në Pogradec janë kryer 15 testime, ndërsa kanë rezultuar pozitivë 3 persona. Në total në këtë qytet numri i të infektuarve ka arritur në 13.
Dyshohet se 3 pacientët e rinj janë infektuar gjatë kontakteve që kanë pasur në Tiranë.
