Nisin përgatitjet për Festivalin e 59-të Këngës në RTSH pavarësisht situatës së krijuar nga Covid-19

Ditën e djeshme kanë nisur përgatitjet për Festivalin e 59- të Këngës në RTSH. Pavarësisht situatës së krijuar nga koronavirusi është e sigurt se edhe këtë fundvit eventi më i madh i këngës në vend, do të mbahet.

Nëndrejtori i Përgjithshëm i RTSH-së, Martin Leka zhvilloi dje takimin e parë konsultativ. Në takim u diskutuan çështje që lidhen veçanërisht me cilësinë e festivalit, duke nisur që nga ngritja e një komisioni vlerësimi për përzgjedhjen e këngëve e deri tek kriteret për pjesëmarrjen në festival.

LEXO EDHE  Genta Ismajli zbulon pamje nga shtëpia ku bashkëjeton me biznesmenin turk

“Pavarësisht situatës së krijuar nga koronavirusi është e sigurt se edhe këtë fundvit eventi më i madh i këngës në vend, do të mbahet. Nëndrejtori i Përgjithshëm i RTSH-së, Martin Leka zhvilloi sot takimin e parë konsultativ me krijuesit, që kanë lënë gjurmë në këtë festival, muzikantë e tekstshkrues,” shkruhet në njoftim.

Sipas njoftimit, pritet që në muajin shtator krijuesit të paraqesin këngët konkurrente për edicionin e 59.