Kupa e Shqipërisë/ Luhen sot gjysmëfinalet e para, Bylis-Tirana dhe Kukësi-Teuta duelojnë për një vend në finale

Ditën e sotme luhen gjysmëfinalet e para të Kupës së Shqipërisë. Në Ballsh, Bylisi ndeshet ndaj Tiranës me synimin për të marrë një rezultat pozitiv duke shfrytëzuar faktorin fushë.

Bardheblutë nga ana tjetër do të provojnë të shënojnë të paktën një gol që do të merrte vlera të dyfishta për shkak se shënohet në transfertë. Tirana në këtë takim do të duhet të bëjë pa sulmuesin kryesor Michael Ngoo, heroi i skuadrës në sfidën ndaj Skënderbeut.

LEXO EDHE  Leo Messi tregon bujarinë e tij, dhuron shumën e majme në luftën ndaj Covid-19

Ndeshja e kthimit mes skuadrave do të luhet pas dy javëve në kryeqytet.

Nga ana tjetër në orën 20:45, në Elbasan Arena Kukësi pret Teutën në një ndeshje që pritet shumë e balancuar. Të dyja skuadrat e shohin Kupën si shpëtimin e sezonit dhe do të japin gjithçka në këto dy ndeshje për të arritur finale e madhe.

Kupa e Shqipërisë, faza gjysmëfinale:

Bylis-Tirana (Ora 17:45)

Kukësi-Teuta (Ora 20:45)