“Opozita parlamentare nuk është e përçarë sa i takon reformës zgjedhore dhe se për ata deputetë që duket se kanë ndërruar mendje në momentet e fundit janë ftuar në dialog”, u shpreh Rudina Hajdari, duke reaguar pas dorëzimit në Kuvend nga Këshilli Politik të draftit mbi reformën zgjedhore.
Hajdari theksoi se kemi një qëndrim të unifikuar që prej fillimit, opozita parlamentare pavarësisht duket se janë disa individë nga lista të ndryshme sa i takon reformës zgjedhore ata deputetë të opozitës e ndiejnë në kurrizin e tyre si partitë janë sjellë me ta.
Sipas Hajdarit, reforma zgjedhore është një moment për të treguar e provuar aftësitë e tyre para elektoratit e të mos jenë preh e mundësisë që e të shkojnë te një kryetar partie e t’i luten për të pasur mundësinë të rikthehen në Parlament.
“Mendoj që do ecin përpara shumë deputetë kanë mundësinë të qëndrojnë të unifikuar sa i takon reformës zgjedhore, kemi takime të shpeshta, e deri më sot shohim shumë pak deputetë që janë duke ndërruar qendrim, edhe ata që ndoshta në momentet e fundit duket sikur kanë ndryshuar qëndrim i kemi bërë pjesë të debatit për ti informuar cfarë po ndodh”, tha ajo.
E pyetur për koalicionet zgjedhore, Hajdari theksoi se kjo s’është betejë personale, kolltuqesh, por betejë për të përmirësuar cilësinë e demokracisë në vend.
“Mos kemi më zgjedhje të kontestuara e vjedhje flagrante të votës.
Mos kemi më deputet që nuk flasin në Parlament, jemi në moment kritik, një e ardhme do duket më e mirë nëse bëjmë këto hapa”, u shpreh ajo.
