Një humbje jete ka ndodhur në spitalin infektiv, si pasojë e COVID-19.
“Një pacient 86-vjeçar nga Shkodra, i cili po trajtohej në terapi intensive prej 12 ditësh nuk e ka fituar dot betejën me COVID19, megjithë asistencën e madhe mjekësore”, njofton Ministria e Shëndetësisë.
Ministria e Shëndetësisë i shpreh ngushëllime familjes së të ndjerit dhe i kujton edhe një herë qytetarëve të tregojnë kujdes me respektimin e rregullave, distancimin fizik, përdorimin e maskës, higjienën vetjake, pēr të kufizuar përhapjen e COVID19.
Më herët, në bilancin ditor të koronavirusit, ministria njoftoi 2 humbje jete në 24 orët e fundit. Me rastin e kësaj pasditeje shkon në tre numri i personave me COVID që kanë humbur jetën në 24 orët e fundit.
Nga fillimi i epidemisë, 66 qytetarë të konfirmuar me COVID-19 e kanë humbur betejën me virusin, bën me dije MSH.
