Studiuesit e Universitetit të Barcelonës kanë thënë se zbuluan koronavirusin e ri në një mostër të ngrirë të ujërave të ndotura të Barcelonës më 12 Mars të vitit 2019.
Studiuesit kanë analizuar mostrat e ujit nga dy impiante të trajtimit të qytetit të marra në mes të janarit 2018 dhe maj 2020. Midis mostrave para pandemisë, që i janë nënshtruar testeve PCR, ka testuar pozitiv me gjurmë të koronavirusit që në mars 2019.
Gjetjet u botuan në medRxiv, ndëra zbulimet pritete të kalojnë për t’u vlerësuar nga shkencëtar të tjerë.
Për studimin, studiuesit kanë ekzaminuar mostra nga dy impiante të mëdha të ujërave të zeza në Barcelonë për të zbuluar evolucionin e virusit në qytet. Meqenëse virusi është derdhur në lumë, studiuesit thonë se “mbikëqyrja në ujërat e zeza mund të konsiderohet të jetë një mënyrë për të monitoruar përhapjen e virusit.”
Studiuesit e Barcelonës filluan duke analizuar mostrat javore nga 13 Prilli deri më 25 maj dhe gjithashtu studiuan mostrat arkivore të ngrira nga fillimi i viti.
Shkencëtari referues i raportit është Albert Bosch, profesor i mikrobiologjisë në UB dhe president i Shoqatës Spanjolle të Virologjisë.
“Ky zbulim befasues tregon se virusi qarkullonte në Barcelonë shumë përpara konfirmimit të ndonjë rasti tjetër të Covid-19 në botë. Barcelona është një qendër biznesi dhe komerciale, dhe gjithashtu një vend i njohur për ngjarje masive që mbledhin vizitorë nga shumë vende të botës. Situata të ngjashme mund të kenë ndodhur në pjesë të tjera të botës”, thonë ekspertët.
