Policia arrestoi autorin e dyshuar të ngjarjes së ndodhur ditën e djeshme, ku u qëllua me breshëri automatiku në drejtim të Fatjon Harushës, i afërm i deputetit të PS.
Burime zyrtare bëjnë me dije se është arrestuar një 33 vjeçari Gjekson Pusi nga lagja “Mark Lula” në Shkodër.
Mësohet se i riu kishte thyer masën e “arrestit shtepiak” duke shkuar për të qëlluar Harushën.
Njoftimi i plotë
Shkodër
Ndalohet autori i dyshuar i ngjarjes së ndodhur dje, me datë 29.06.2020, në fshatin Vukatanë, Shkodër.
Nga strukturat e DVP Shkodër, në vijim të hetimeve intensive për zbardhjen e ngjarjes së ndodhur ditën e djeshme, u bë identifikimi dhe ndalimi i autorit të dyshuar, shtetasit Gj. P. 33 vjeç, banues në Lagjen “Mark Lula” Shkodër, i cili ka thyer masën e sigurisë “Arrest në shtëpi”.
Ky shtetas u ndalua pasi dyshohet se në orën 12:30, datë 29.06.2020, në fshatin Vukatanë, ka qëlluar me armë zjarri në drejtim të automjetit në pronësi të DPSHTRR, që drejtohej nga shtetasi F. H., 30 vjeç, banues në Dobraç, Shkodër.
Vijojnë hetimet e mëtejshme për zbardhjen e plotë të kësaj ngjarjeje.
Materialet i kaluan Prokurorisë së Rrethit Gjyqësor Shkodër.
