Mbi 300 perona të infektuar me COVID kanë ndërruar jetë në Maqedoninë e Veriut që nga shfaqja e pandemisë. Ministria e Shëndetësisë në Maqedoninë e Veriut njoftoi se gjatë 24 orëve të fundit kanë vdekur katër persona si pasojë e koronavirusit dhe janë zbuluar 126 raste të reja.
Numri i përgjithshëm i rasteve me COVID-19 arriti në 6 334, numri i të shëruarve në 2 475 ndërsa numri i viktimave në 302.
Aktualisht numri i rasteve aktive është 3 557.
Sipas Ministrisë së Shëndetësisë, janë raportuar 48 persona të shëruar nga COVID-19.
Gjatë 24 orëve të fundit, janë kryer 1 140 teste, ndërsa numri i përgjithshëm i testeve të kryera deri tani kap shifrën 60 773.
