Këngëtarja Jonida Maliqi dhe aktori i humorit Romeo Veshaj po shijojnë së bashku disa ditë pushimi në jug të Shqipërisë. Tashmë që ata e kanë bërë publike lidhjen e tyre, në Instagram nuk kanë munguar fotot e ëmbla së bashku e dedikimet romantike.
Jonida ka treguar së fundmi edhe “një tjetër anë të medaljes”. Me humor, Romeo përpiqet ta acarojë këngëtaren dhe duket se ia ka arritur qëllimit.
Aktori ka kapur në det një oktapod të cilin ia afron Jonidës “për ta përshëndetur”, ndërsa kjo e fundit mbrohet me duar e përpiqet të largohet nga partneri.
“Ma nxiu jetën”- shkruan Jonida krahas videove ku reagimi i saj është për të mos u humbur.
Romeo e kthen disa herë oktapodin tek partnerja, duke i kërkuar t’i thotë: ‘mirupafshim’ e ‘t’i bëjë të fala gruas’, ndërsa Jonida i kërkon disa herë që ta kthejë në det.
