Protesta kundër fabrikës së peshkut “Rozafa”/ Pronari Gjergj Luca ofendon banorët: Po të jetë njeri k*rderr të vijë të hyjë!

Banorët e Labinot-Fushës në Elbasan janë ngritur sërish në protestë kundër fabrikës së peshkut Rozafa pasditen e sotme. Ata theksuan se asnjë nga kërkesat e tyre nuk ka gjetur zgjidhje dhe në duar mbanin pankarta të ndryshme ku shkruheshim mesazhe si: “Nuk duam zaptim pronash”, “Mbrojmë të drejtat tona”, “Larg duart nga pronat tona”.

“Po të jetë njeri k*rderr, të futet brenda”, Gjergj Luca nuk i bindet policisëLexo më shumë këtu: https://www.faxweb.al/gjergj-luca-del-me-duar-ne-xhepa/

Gepostet von Fax Web am Montag, 29. Juni 2020

Disa prej tyre dëgjohen edhe teksa bërtasin “Luca hajdut”. Gjergj Luca, pronari i firmës së peshkut ka dalë me duar në xhepa dhe nuk i ka kursyer fjalët ndaj protestuesve, ndonëse i pranishëm ishte dhe një punonjës policie, i cili iu afrua dhe i kërkoi që të mbyllte derën.

“Po të jetë njeri k*rderr të vijë të hyjë këtu te dera. Gaboni të më dilni për zot. I dal vetë vetes për zot. Këta nuk më marrin fytyrën mua. Unë s’kam vjedh njeri në jetën time, nuk kam grabitur njeri, nuk i kam rënë njeriu në qafë, janë 1 mijë vetë në punë dhe 1 familje të më marrë fytyrën mua. Vazhdoni shani, unë këtu jam nuk lëviz prej këtej”, thotë Luca.

LEXO EDHE  Kuvendi miratoi Komisionin mbi akuzat e Dick Marty/ Paloka: Akt tradhëtie

Protesta e sotme është përqendruar fillimisht aty ku firma ka hapur rrugën duke dëmtuar argjinaturën, duke rrezikuar sipas banorëve tokat e tyre të përmbyten. Veç protestave, banorët kanë ndërmarrë edhe rrugën ligjore teksa në protestën e fundit morën garancinë për tu asistuar ligjërisht nga avokati Altin Goxhaj.

Banorët e Labinotit kanë disa ditë që protestojnë kundër zaptimit të pronës publike dhe private, ndotjen e ajrit dhe lumit Shkumbin nga fabrika e peshkut ‘Rozafa’ që operon në këtë zonë.