Banorët e Labinot-Fushës në Elbasan janë ngritur sërish në protestë kundër fabrikës së peshkut Rozafa pasditen e sotme. Ata theksuan se asnjë nga kërkesat e tyre nuk ka gjetur zgjidhje dhe në duar mbanin pankarta të ndryshme ku shkruheshim mesazhe si: “Nuk duam zaptim pronash”, “Mbrojmë të drejtat tona”, “Larg duart nga pronat tona”.
https://www.facebook.com/faxweb.al/videos/vb.141633979817906/261390205151722/?type=2&theater
Disa prej tyre dëgjohen edhe teksa bërtasin “Luca hajdut”. Gjergj Luca, pronari i firmës së peshkut ka dalë me duar në xhepa dhe nuk i ka kursyer fjalët ndaj protestuesve, ndonëse i pranishëm ishte dhe një punonjës policie, i cili iu afrua dhe i kërkoi që të mbyllte derën.
“Po të jetë njeri k*rderr të vijë të hyjë këtu te dera. Gaboni të më dilni për zot. I dal vetë vetes për zot. Këta nuk më marrin fytyrën mua. Unë s’kam vjedh njeri në jetën time, nuk kam grabitur njeri, nuk i kam rënë njeriu në qafë, janë 1 mijë vetë në punë dhe 1 familje të më marrë fytyrën mua. Vazhdoni shani, unë këtu jam nuk lëviz prej këtej”, thotë Luca.
Protesta e sotme është përqendruar fillimisht aty ku firma ka hapur rrugën duke dëmtuar argjinaturën, duke rrezikuar sipas banorëve tokat e tyre të përmbyten. Veç protestave, banorët kanë ndërmarrë edhe rrugën ligjore teksa në protestën e fundit morën garancinë për tu asistuar ligjërisht nga avokati Altin Goxhaj.
Banorët e Labinotit kanë disa ditë që protestojnë kundër zaptimit të pronës publike dhe private, ndotjen e ajrit dhe lumit Shkumbin nga fabrika e peshkut ‘Rozafa’ që operon në këtë zonë.
