Pandemia e coronavirusit vazhdon ende të jetë një kërcënim për botën e sportit. Teksa futbolli në Europë u rikthye, përtej oqeanit sporti më i bukur në botë është ende i ndaluar.
Në kampionatin meksikan, konkretisht tek ekipi i Cruz Azul, ka pasur një përhapje të madhe të Covid-19. Janë plotë 22 persona që kanë rezultuar pozitivë me Coronavirus, një numër ky shumë i lartë.
Sipas raportimit të “Sky TG24”, janë 8 lojtarë nga ekipi i meshkujve dhe 14 nga ekipi i femrave, të cilët tashmë janë të izoluar. Kampionati vazhdon të jetë i ndaluar, por pritet që gjithçka të rifillojë në fillim të korrikut.
