Arrestohet autori i plagosjes me armë zjarri në Delvinë.
“Ditën e djeshme, në malin e Cerasë, si pasojë e një konlikti për motive të dobëta, mbeti i plagosur me armë gjahu 21 vjeçari L.K, i cili ndodhet jashtë rrezikut për jetën. Menjëherë pas ngjarjes shërbimet policore u vunë në ndjekie të autorit dhe u bë e mundur kapja në qytetin e Delvinës dhe arrestimi i shtetasit E. M., 22 vjeç, banues në Delvinë, si dhe sekuestrimi i armës së gjahut”, sqaroi policia.
Materialet iu referuan Prokurorisë për veprat penale “Plagosja e lehtë me dashje” dhe “Prodhimi dhe mbajtja pa leje e armëve të gjuetisë dhe sportive”, shtuan të njëjtat burime.
