Kufijtë e BE-së do të vijojnë të jenë të mbyllur për Shqipërinë edhe pas 1 korrikut, deri në një afat të dytë, në varësi të rasteve me Covid-19 që do të rregjistrohen në vendin tonë.
Po ashtu i njëjti vendim është marrë edhe disa vende të Ballkanit Perëndimor si Kosova, Maqedonia e Veriut e Bosnje Hercegovina.
Udhëtimet drejt zonës Shengen do të hapen vetëm për shtetasit nga Mali i Zi dhe Serbiam në rajonin tonë, kjo për arsyen se këto dy vende nuk kanë pasur rritje të ndjeshme të rasteve pozitive gjatë javëve të fundit.
Ambasadorët e vendeve anëtare të Bashkimit Europian nuk kanë rënë dakord për të përfshirë Shqipërinë në listën e vendeve, me të cilat do të hapen kufijtë e jashtëm të unionit pas 1 Korrikut, periudhë kur skadonte afati i vendosur në prill në nisje të pandemisë së COVID-19.
Në listën e paraqitur gjatë mbledhjes së diplomatëve të vendeve anëtare përfshiheshin vetëm 15 shtete jashtë hapësirës Shengen, ndryshe nga ç’ishte planifikuar më herët.
Dy javë më parë Komisioni Europian rekomandoi hapjen e kufijve me të gjitha vendet e Ballkanit Perëndimor prej 1 Korrikut, por në bazë të shifrave të ulëta të infektimit në atë kohë.
Shifrat në rritje për vendet si Shqipëria, Kosova, Maqedonia e Veriut e Bosnje Hercegovina, bëri që BE të ndryshojë qëndrim gjatë ditëve të fundit.
Vendimi për hapjen ose jo të kufijve, në ditët në vazhdim, do të merret në bazë të ecurisë së këtyre shifrave.
Vende si Gjermania e kanë shtyrë deri më 31 Gusht vendimin për qytetarët e tyre, që të mos udhëtojnë drejt vendeve jashtë hapësirës Shengen, nga rreziku i infektimit me COVID-19.
BE deri në një fazë të dytë nuk do të hapë kufijtë as për Shtetet e Bashkuara të Amerikës.
