Partizani ka arritur të dalë triumfuese në stadiumin “Air Albania” 1-0 kundër Laçit. Një fitore me vlera e të kuqve, kjo pasi vjen ndaj një rivali direkt për kualifikimin në Europë.
Sfidën e ka vendosur një gol i Eraldo Cinarit në minutën e 10-të. Sulmuesi shënoi në portën e portierit Stazhilla, duke shfrytëzuar një asist të Brojës.
Me këtë fitore, Partizani, ngjitet në kuotën e 47-pikëve, 2 më pak se Laçi në vendin e tretë që tashmë rrezikon seriozisht të humbasë vendin e fundit që çon në playoff-et e Europa League.
