Chelsea mposhti me rezultatin 2-1 ekipin e Manchester City-t, një rezultat ky mjaft i rëndësishëm për objektivin e “Bluve”, që është sigurimi i një vendi në Ligën e Kampioneve për sezonin e ardhshëm.
Golat për Chelsean, u shënuan nga Pulisic dhe Willian me penallti.
Duke u ndalur te talenti amerikan, Pulisic, goli i shënuar mbrëmjen e djeshme ishte i shtati në Premier League, i cili tashmë është në piedestal. Asnjë futbollist në kampionatin anglez, më i ri se 21 vjeç, nuk ka shënuar një kuotë të tillë golash.
Pulisic u transferua te Chelsea verën e shkuar nga skuadra e Borussia Dortmund dhe shumë pak besuan se është pasuesi ideal i Hazard por ai po tregon dita-ditës që po rritet si lojtar.
