Juventusi ka mposhtur 4-0 Leccen në “Allianz Stadium” në ndeshjen e vlefshme për javën e 28-të në Serie A.
Të katër golat u shënuan në pjesën e dytë, teksa ndeshja mori tatëpjetën për miqtë nga minuta e 32’, aty ku Fabio Lucioni i Lecces u ndëshkua me të kuq.
Serinë e golave e hapi Paulo Dybala në minutën e 53’, për të vazhduar me CR7 në minutën e 62’ me anë të një 11 metërshi, më pas Gonzalo Higuain në atë të 83’ dhe në fund, për 4-0 shënoi Matthijs de Ligt në minutën e 86’.
Për Ronaldon ishte goli i 23 në Serie A, rekordi më i mirë me Juven dhe i 27-ti në total këtë sezon, një larg sezonit të parë me Zonjën e Vjetër.
Juve tashmë arrin në kuotën e 69 pikëve, duke i bërë edhe më shumë presion Lazios dhe Interit, që gabuan në ndeshjen e fundit.
