Jurgen Klopp është Bill Shankly “i rimishëruar në një trup gjerman”, thotë ish-portieri i Liverpool , Bruce Grobbelaar.
Liverpool fitoi titullin e parë në Angli që prej vitit 1990, kur Grobbelaar ishte pjesë e skuadrës, pasi Manchester City humbi në transfertë 2-1 kundër Chelseat mbrëmjen e djeshme.
Bill Shankly është trajneri legjendar i “The Reds”, i cili e mori skuadrën në kategorinë e dytë në sezonin 1961-62, për të fituar më pas 3 tituj kampion në kategorinë e parë sot e njohur si Premier League. Gjatë 15-viteve nën drejtimin e skuadrës, ai gjithashtu fitoi dy FA Cup dhe Kupën UEFA kohë në të cilën ai gëzoi një respekt të jashtëzakonshëm nga fansat.
Grobbelaar mendon se Klopp ka të njëjtin ndikim të tifozëria e Liverpool, duke e bërë triumfin e fundit të veçantë dhe historik.
Duke folur për “Stats Perform News”, ai tha për Klopp: “Ai tërheq njerëzit, ai tërheq fansat. Ai është Shankly i rimishëruar në një trup gjerman. Kjo është aq e mirë që ai është, sepse ai i merr tifozët aq lehtë.”
“Kaq i madh është ai, ka një lidhje të jashtëzakonshme me fansat. Është një trajneri tipik i Liverpoolit, takohet me fansat, gëzon me ta dhe e ndjen me shpirt suksesin. Kjo është ajo që bënte Shankly dhe këtë po bën edhe Klopp.”
