Uke Krasniqi, një tifoz i Liverpool nga Kosova që jeton në Vancouver, nuk i ka prerë flokët prej 17 vjetëve, pasi ishte zotuar se do ta bënte këtë gjë vetëm nëse “Të Kuqtë” fitonin titullin.
Pritjes së madhe i ka ardhur fundi ndërsa mbrëmjen e djeshme, skuadra e drejtuar nga Jurgen Klopp u shpall kampione për herë të parë pas 30 vitesh. Tani Krasniqi i gëzohet me të drejtë triumfit historik të skuadrës së zemrës dhe nga ana tjetër, ai do të provojë gërshërët pas 17 viteve të betuara.
“Kur të shikoj Jordan Henderson të ngrejë trofeun e kampionatit, do të pres flokët. Nuk tërhiqesh kurrë, por duhet të veprosh kështu. Kështu është jeta, duhet të vazhdosh përpara. I kam lënë flokët të zgjaten, kam pritur kaq vite për këtë moment.” – ka thënë Krasniqi i cili ndër vite ka dhënë deklarata për media të ndryshme angleze.
