Brigadieri i minierës në Martanesh ku një ditë më parë humbi jetën një punëtor, është vënë në pranga. I.K. 40 vjeç, banues në Bulqizë, akuzohet për veprën penale “Shkelje e rregullave të mbrojtjes në punë.
“Arrestimi i këtij shtetasi u bë pasi duke mos kryer siç duhet detyrën e tij si brigadier e duke mos marrë masa në katet mes galerive ku kryheshin punimet në një subjekt minerar në zonën e Martaneshit, është rrëzuar dhe për pasojë ka humbur jetën shtetasi B.Xh. , 56 vjeç, banues në Bulqizë (vagonist)”, njoftoi policia.
