Një aksident ka ndodhur këtë pasdite në Tiranë. Sipas informacioneve paraprake, një motor ka humbur kontrollin duke u përplasur me një automjet të parkuar.
Për pasojë, është plagosur drejtuesi i motorit. Aksidenti ka ndodhur saktësisht tek kryqëzimi i ’21 dhjetorit’.
Identiteti i të plagosurit ende nuk bëhet me dije por mësohet se ndodhet në spital nën kujdesin e mjekëve.
Njoftimi i Policisë:
Më datë 25.06.2020, rreth orës 17:30, tek kryqëzimi i 21 Dhjetorit motorri me drejtues shtetasin G.P., 25 vjeç, ka humbur kontrollin dhe ka goditur një mjet të parkuar. Si pasojë e përplasjes është dëmtuar shtetasi G.P, i cili ndodhet në spital, nën kujdesin e mjekëve.
Grupi hetimor ndodhet në vendngjarje dhe vijon punën për zbardhjen e plotë të rrethanave të ngjarjes.
