Federata Holandeze e Futbollit ka bërë të ditur se sezoni 2020-2021 i Eredivisije 2020-2021 do të nisë në datën 12 shtator.
Një lajmërim ky që erdhi fill pasi u zbutën masat kufizuese, karantina dhe izolimi i Holandës. Qeveria lajmëroi se do të jetë e mundur të hapen stadiumet pa publik, edhe pse me kushte sigurie të caktuara, si distancimi social prej një metri e gjysmë, por kapaciteti do të jetë i reduktuar te impiantet.
Kampionati holandez, kujtojmë, ishte mes të parëve që deklaroi mbylljen përpara kohe dhe kundër vendimit të UEFA-s. Nuk u dha asnjë titull, ashtu sikurse nuk u njohën rëniet apo ngjitjet në kategori.
Sezoni 2019-2020 i kampionatit holandez u shpall i pavlefshëm ndërsa Ajax-it kryesues iu hoq mundësia për të fituar titullin kampion.
