Fletërrufe si ajo e revolucionit kinez, e ka cilësuar nga salla e Parlamentit, Kryeministri Edi Rama, akt-akuzën ndaj Presidentit të Kosovës, Hashim Thaçi dhe Kadri Veselit. Rama tha se kjo nuk është vetëm një akuzë ndaj Thaçit dhe Veselit, por është hedhje balte ndaj shqiptarisë.
Rama tha se kjo është një padrejtësi që po i bëhet Kosovës, duke shtuar se Kosova është vendi ku ndodhi agresioni dhe krimet kundër njerëzimit.
Kryeministri e cilësoi si një gjyqësi eksperimentale atë që po ndodh me akuzat ndaj UÇK dhe drejtuesve të saj në këto 21 vite.
“Një tekst i shkruar, i cili edhe sikur të mos ketë asnjë zhvillim të mëtejshëm juridik për ne që e kemi jetuar në rininë tonë, ngjan si një flet rrufe e revolucionit kinez.
Fryma diskredituese e atij teksti e kthen atë në një rrufe që godet shumë më përtej dy emrave të përveçëm.
Ishte jo një aktakuzë, por një tekst, i cili nuk hedh baltë thjeshtë mbi Veselin, Thaçin, as vetë UÇK-në, por mbi vetë Kosovën dhe gjithë shqiptarinë”, tha Rama.
Në vijim Rama tha se ata nuk kishin jo derë por as edhe një vesh të hapur në kërkim të asaj që duket sikur ka qënë aty gjithëmonë: Kosova e pavarur.
“Falë tyre u imponua edhe bombardimi me bomba nga NATO. Lanë pas numrin më të madh të viktimave pas luftës së dytë botërore, deri atëherë.
Ne themi se 21 vite janë të shënuara në lëkurën e udhëheqësve të Kosovës dhe familjeve të tyre. 21 vite mëpas, del një tekst, vë një shenjë barazimi mes viktimës dhe xhelatit. Madje nëse dikujt që do të rrudhë buzët kudoqoftë duke marrë transkriptin e fjalëve të mia. Fjala barazim është e butë por është përmbysur gjithë historia. Një ndërmarrje barbarie shtetësore e orkestruar nga Milloshevici dhe rrethi i tij vrau 10 mijë civilë të pafajshëm, dhunoi 20 mijë gra dhe nxorri me dhunë ushtarake 1 milion shqiptarë nga Kosova brenda pak javësh, se nuk po i hyj llogarive të tjera, dhe flasim rreth 100 viktima.
Ça është kjo? Rreth 100 viktima? Si mund të jenë rreth 100? Flitet me rreth, po pse jo rreth 1000 apo 50, pra në të njëjtën kohë që shkruhet kjo në nëntokën e Serbisë kërkojnë drejtësi të marrin nga mbitoka vetëm heshtjen e injorimit. Mijëra trupa pajetë dhe unë nuk e di, kërkoj ndjesë se mbase nuk e di, të ketë ndonjë aktakuzë sepse nuk ka asnjë lloj pendence për GJS.
Me dorën në zemër, është e pashamnshme që të moskujtohen historitë e drejtësisë së munguar në Serbi. Nuk kalohen këto deklarata si ato qëndrimet në autobus me dy sendilje. Ndoshta nuk u vjen për shtat miqve të mi, të mëdhenj”, tha Rama.
