Atalanta arriti të mundë në një ndeshje spektakolare Lacion me rezultatin 3-2.
Ekipi ku luan Berat Gjimshiti, e pa veten shumë shpejt në disavantazh të dyfishtë. De Roon shënoi autogol në minutën e pestë, ndërsa Milinkovic-Savic dyfishoi në minutën e 11-të.
Atalanta megjithatë, përmbysi gjithçka. Gosens në të 38-ën, Malinovsky me supergol në të 66-ën dhe Palomino në të 80-ën, i dhanë triumfin djemve të Gasperinit.
Kjo fitore e Atalantas, është një “asist” dhe për Juventusin, pasi distanca tani është në katër pikë me Lacion, një ndeshje kjo që mund t’i kushtojë titullin kampion bardhëkaltërve në fund të sezonit.
