Tottenhami fitoi me rezultatin 2-0 kundër West Ham në ndeshjen e vlefshme për javën e 31-të në Premier League.
Skuadra e Jose Mourinho-s arriti të siguronte tre pikët në pjesën e dytë teksa 45 minutat e para u mbyllën në barazim pa gola.
Tottenham pati fat, pasi ishte një autogol që i dha avantazhin. Lamela krosoi nga një goditje këndi dhe Soucek e dërgoi në rrjetë për 1-0.
Kur mendohej se gjithçka do të mbyllej me rezultatin 1-0 u zhbllokua dhe Harry Kane. Sulmuesi shënoi në të 82′ pas një kundërsulmi fantastik të skuadrës së “Gjelave”. Son e gjeti mjaft mirë anglezin dhe ky i fundit nuk gaboi për 2-0.
Kujtojmë që Kane vjen nga një dëmtim i rëndë që pësoi disa muaj më parë. Fillimisht u mendua se sezoni për të kishte mbaruar por pandemia e coronavirusit i dha mundësinë atij të ndihmojë skuadrën në arritjen e objektivave për sezonin 2019-2020.
