Sekuestrohet makina që u përdor në vrasjen e Paulin Gjergjit dhe Bujar Likës në Laç

Policia ka sekuestruar makinën që u përdor në vrasjen e Bujar Likës dhe Paulin Gjergjit në Laç. Burime policore bëjnë me dije se automjeti u gjet në periferi të Tiranës, i fshehur nga vetë autorët.

Në makinë hetuesit kanë gjetur gjurmët që kanë identifikuar edhe 3 autorët e tjerë.

Pas vrasjes, autorët kanë udhëtuar nga Laçi drejt Tiranës, pa rënë në sy të policisë. Pasi kanë fshehur makinën, ata dyshohet se kanë çuar Eduart Lamajn tek banesa e së motrës.

LEXO EDHE  Covid 19/ KE: Vaksinat nisin në prill, gati për 700 milionë njerëz

Ky i fundit ka qëndruar aty për rreth 15 ditë, derisa plaga që kishte marrë nga plumbi është infektuar.

Eduart Lamaj ka paguar rreth 10 mijë euro dy mjekë për të bërë operacionin në spitalin Amavita, por u zbulua nëpërmjet gjurmëve të gjakut që ngelën në vendin e ngjarjes.

Në kërkim mbeten 3 personat që bashkëpunuan në vrasje.