Një tërmet i fortë me epiqendër pranë zonës turistike të Huatulco tronditi sot zona të ndryshme të Meksikës jugore dhe qendrore, ku përveç dëmeve materiale ka vrarë të paktën një person dhe la të plagosur një tjetër në shtetin jugor meksikan të Oaxaca.
Agjencia Gjeologjike e ShBA-së tha se tërmeti që goditi në 10:29 të mëngjesit të sotëm Meksikën, me kohën lokale, kishte një madhësi 7.4 dhe kishte epiqendër bregdetin e Paqësorit, në Oaxaca.
Presidenti Andrés Manuel López Obrador tha në një video të postuar në mediat sociale se nuk ka raporte të menjëhershme për masat e dëmeve, në njerëz apo materiale.
“Ne do të vazhdojmë t’u bëjmë thirrje njerëzve të veprojnë me kujdes për shkak të goditjeve të tjera të mundshme. Le të kujdesemi për veten tonë pa ankth ose dëshpërim”, tha López Obrador.
Alarmet sizmike u dhanë që në mesnatë me paralajmërime të mjaftueshme për banorët, për të dalë nga ndërtesat, por edhe situata me Covid-19 ka bërë të sajën.
Ekipi Gjeologjik i ShBA-së vlerësoi se rreth 2 milion njerëz ndjenë lëkundje të fortë ose të moderuara dhe 49 milion të tjerë i ndjenë të dobëta ose të lehta lëkundjet.
Alejandro Murat, guvernatori i shtetit meksikan Oaxaca, i tha Telemundo Neës në një intervistë live se disa ndërtesa u rrëzuan në zonën e Crucecita, duke vrarë të paktën një person dhe duke plagosur një tjetër.
https://www.youtube.com/watch?v=xPY3mQNQe2E&feature=emb_logo
https://www.youtube.com/watch?v=ABlPTXHW9us&feature=emb_logo
