Megjithë lehtësimin e masave të karantinës në Evropë pandemia e virusit Corona nuk ka marrë fund, përkundrazi “pandemia është duke u përshpejtuar,” tha shefi i Organizatës Botërore të Shëndetit (WHO) Tedros Adhanom Ghebreyesus në Gjenevë. Brenda një dite u raportuan më shumë se 150,000 infeksione të reja, më shumë se kurrë, tha etiopiani në krye të OBSH.
Përsëri shifra të larta nga Azia
Pothuajse gjysma e këtyre infeksioneve të reja u raportuan nga Amerika e Veriut, Qendrore dhe e Jugut, por një numër i madh infeksionesh njoftohet edhe nga Azia e Jugut dhe Lindja e Mesme. “Bota është në një fazë të re dhe të rrezikshme,” tha Tedros. Ekziston një rrezik i rritur nga infeksioni sepse, kuptohet, shumë njerëz janë të ngopur me të ndejturit në
“Edhe qeveritë duan t’i rihapin ndërmarrjet ekonomike dhe shoqërinë. Por virusi po përhapet shpejt, ai është akoma vdekjeprurës dhe shumica e njerëzve janë akoma të prekshëm,” tha Tedros. Ai u bëri thirrje të gjithë njerëzve që të mbajnë distancë, të lajnë duart shpesh dhe të zbatojnë masa e tjera higjienike. Të gjitha infeksionet duhet të gjurmohen dhe ato që preken nga virusi të izolohen. Schweden Stockholm | Coronavirus | Menschen im Park (Imago Images/H. Montgomery) Rritje e numrit të infeksioneve edhe në Gjermani
Në Gjermani, numri i infeksioneve të reja me Covid19 u rrit brenda 24 orëve të fundit më tepër se gjatë një muaji. Autoritetet shëndetësore raportuan 770 raste të reja në Institutin Robert Koch (RKI) (të dhënat e datës 19 qershor, në mesnatë). Shifra kjo më e lartë që prej 20 majit 2020 kur u shënuan 797 infeksione të reja. Numri i përgjithshëm i të infektuarve me virusin Sars-CoV-2 në Gjermani është 188.534 vetë.
Më herët, Organizata Botërore e Shëndetësisë njoftoi të dielën një rritje të madhe të shifrës ditore të personave të infektuar me COVID-19 në rang botëror prej 183 mijë vetësh, rritja më e madhe ditore e regjistruar që nga fillimi i pandemisë. Drejtori i Përgjithshëm i OBSH-së Tedros Adhanom Ghebreyesus tha se kërcënimi më i madh aktualisht nuk është virusi në vetëvete, por “mungesa e solidaritetit global dhe udhëheqjes”. “Ne nuk mund ta mposhtim pandeminë me një botë të ndarë” tha ai.
Në më shumë se 12 shtete amerikane po vihet re një rritje e numrave të rasteve të reja. Të dielën dr. Tom Inglesby, drejtor i Qendrës për Sigurinë Shëndetësore në Shkollën e Shëndetit Publik Johns Hopkins tha për rrjetin televiziv “Fox News” se rritja vjen për shkak të kombinimit mes kryerjes së më shumë testimeve si dhe një rritjeje reale të infeksioneve. Të hënën në SHBA rezultojnë afro 2 milionë e 400 mijë të infektuar si dhe mbi 122 mijë të vdekur që prej fillimit të pandemisë.
