Ish-sulmuesi francez, Christophe Dugarry, ka folur në lidhje me lamtumirën e Edinson Cavani-t nga Paris Saint-Germain.
Duke folur për RMC Sport, ish-lojtari i Bordeaux dhe Milanit, ka thënë se largimi i uruguajanit nga Parisi ka qenë një zgjedhje e gabuar pasi këtë sezon PSG-ja mund të fitojë Championsin.
“Mendoj se ka gabuar. Nuk ka qenë kurrë kaq afër triumfit në Champions League me PSG-ën. E kemi mbrojtur, e kemi vlerësuar për qëndrimin e tij, për dashurinë për klubin”.
“Mund ta kuptoj zhgënjimin për vendimin e klubit për të mos rinovuar kontratën e tij, por largimi tani nuk është një gjë elegante dhe më befason”.
“Ka treguar gjithmonë respekt për skuadrën, për klubin. Nuk e kuptoj vendimin e tij, dëshirën për të dalë nga derë e vogël”, ka thënë Dugarry.
