Një i ri është vënë në pranga në Korçë, i akuzuar për vjedhjen e pesë biçikletave.
“Shërbimet e Komisariatit të Policisë Korçë, kanë bërë të mundur dokumentimin me prova ligjore dhe vënien përpara përgjegjësisë të autorit të dyshuar konkretisht shtetasit M. Sh., 26 vjeç, banues në Korçë. Nga veprimet hetimore të kryera dhe provat e grumbulluara, rezulton se shtetasi i mësipërm përgjatë muajit qershor, në fshatin Barç, si edhe në lagjet nr. 5, 9, 10, 18 në Korçë, dyshohet t’iu ketë vjedhur 5 shtetasve biçikletat respektive të tyre, njëra prej të cilave iu gjet e sekuestrua në cilësinë e provës materiale”, njoftoi policia.
Ndaj 26-vjeçarit rëndon akuza për veprën penale “Vjedhja, e kryer më shumë se njëherë”.
