Presidenti Ilir Meta zhvilloi një takim me kryenegociatorin e Shqipërisë për integrimin në BE, Zef Mazi. Takimi u mbajt në Presidencë.
Pas takimit, Meta doli me një deklaratë për shtypin, ku theksoi se politika duhet të plotësojë kushtet.
“Kënaqësi të prisja sot në takim Ambasador Zef Mazin, i emëruar nga Qeveria Kryenegociator për zhvillimin e negociatave për anëtarësimin e Shqipërisë në Bashkimin Europian.
Diskutuam hapur e në mënyrë konstruktive për perspektiven e çeljes së negociatave.
Ndërsa politika jonë duhet të tregojë vullnet për plotësimin e kushteve, është e rëndësishme përgatitja teknike dhe rritja e kapaciteteve negociuese.
E sigurova për mbështetjen e plotë në detyrën e tij nga institucioni i Presidentit të Republikës.
Integrimi europian është objektiv mbarëkombëtar,” tha Meta.
