Modelja shqiptare që jeton në Shtetet e Bashkuara të Amerikës, Vildane Zeneli, ka rrëfyer anën tjetër të një vajze seksi, që duket se mund ta gjejë të dashurin sa hap e mbyll sytë.
E pyetur nëse e ka gjetur apo jo personin e zemrës, ajo është shprehur në një intervistë të fundit për “Prive”: “Jo, nuk jam në një lidhje”.
Modelja Vildane Zeneli ka dhënë këtë deklaratë, pasi është përfolur për lidhje me reperin e njohur 50 Cent dhe një tjetër histori me një sheik arab. Sa për reperin, ata u fotografuan disa herë në përqafimin e njëri-tjetrit, ndërkohë që ajo ishte duke i dhuruar një puthje në faqe.
Në foton e fundit që media publikoi për ata të dy, nuk u bënë të qarta arsyet e takimit të tyre: nëse ajo po planifikonte të kishte ndonjë bashkëpunimin, apo afërsia mes tyre ishte private, pra kishin një lidhje intime.
